去年反送中运动，走在前线的多为年轻抗争者，看到一班无私付出、一再被警方滥捕滥暴但没畏惧退缩的年轻人，不少银发族亦被感动加入战线。袁弥明的71岁商人父亲袁弓夷过去一年不停为抗争者发声，及至最近人大通过「港版国安法」，香港将面临一国一制，自由被收回，袁弓夷早年居住美国纽约曼克顿时，曾跟当时未做美国总统的特朗普（Donald Trump）做过楼上楼下邻居，袁弓夷上周即撰写英文信致特朗普，讲出香港现况，请求他出手协助。
出生在上海的袁弓夷7岁来港，在中国住过20年，在美国住过20年，更在香港住过逾30年，透彻理解三地政局，他希望用人生阅历和生命仅余的时间，跟年轻人共同捍卫香港这个家。人大已通过「港版国安法」，袁弓夷认为此刻只有国际出力才能制衡中共，特朗普近日都开始向中共出招，上周表明美国不会再视香港为一国两制，而是一国一制，美国将开启程序撤销对香港的特殊待遇，并会制裁削弱香港高度自治的中港官员，袁弓夷分析不排除中美会开战。
届时中国未必被美国压倒，「北京够野蛮，佢讲乜都系啱，佢冇道理，唔听人讲。」袁弓夷表示若中美开战，香港肯定是受害者：「两个巨人喺小香港度打，到时我哋要做好心理准备，至少6个月到1年，香港人会好艰苦。大家最好储定钱，储够1年粮食，勒紧肚皮，而家已经算短兵相接，你一招，我一招，唔系虚张声势，升级就会打仗，海战、空战，甚至飞弹战完全系可能发生嘅，希望今年内会结束。」袁弓夷估计中共国家主席习近平下一步棋会「缩」：「习总呢个人，每次嚟个势都好强，但6年政绩，都系虎头蛇尾，佢可能觉得咁做就够，做咗就得到国内人支持。呢次佢6成机会会退让，反而美国今次未必会放过佢，因为疫情死咗成10万人，美国原本只系20万人失业，而家增加到4,000万人失业，损失系6万亿美金，特朗普砌低你，选民会睇到佢为美国人出咗啖气。」
香港人去年至今，先经历社运，再爆世纪疫症，经济民生大受打击，过惯安稳生活的港人再遭战祸肯定叫苦连天，袁弓夷坦言：「我哋都好咗好耐，几多人苦过我哋？香港人真系好好运，钱有得使，又有好嘢食，系住得辛苦啲啫！香港人争取自由，真系要付出代价，有钱佬争取紧佢哋所谓嘅自由咪就系移民。唔系个个人有咁嘅能力，佢哋咪要维护自由民主法治。唔好睇小呢班 仔，佢哋真系明白事理，我哋细个就话戆居居，佢哋（抗争者）日日上街，知自己要乜嘢，佢哋冒住俾人拉、俾人打都坚持争取，佢哋好了不起。」
袁弓夷有甚么寄语给这班年轻人？「佢哋仲清醒过我哋呢辈，佢哋应该去教吓班90几岁嘅濶佬，教吓佢哋点去做人，点去尊重香港嘅自由，唔系净系佢自己嘅自由。呢班有钱佬个个都自私，大陆系咁踩入嚟，系大陆违背咗一国两制，呢班濶佬为咗好处又唔敢出声，佢哋系香港罪人、卖港贼！如果以中国利益嚟睇，佢哋亦系卖国贼。反而呢班后生仔系我哋嘅将来，所以我寄语佢哋要继续做，有美国人支持佢哋。」
袁弓夷当然希望有生之年见到抗争成功：「我大胆估计，今年系最好时机，疫情令全世界死咗咁多人，中国知道自己闯咗祸，全世界见到香港咁又同情我哋，中国经济一塌糊涂，咁嘅情况下抗争系最好时机，如果过咗今年就难好多，到时唔知特朗普仲在唔在位。而家系『Perfect Storm』完美的风暴，今年唔出力，明年唔知仲有冇机会喇！」袁弓夷呼吁大家走国际线，把真相传出去。日前是「六四31」，基于限聚令未解封，巿民今年未能到维园集会，有机会各区遍地开花，袁弓夷提醒大家：「要精啲，要大声出力，唔好无辜俾佢哋拉，唔好伤咗自己身体，而家牺牲系冇用。」
已71岁的袁弓夷望善用余生出力抗争到底：「我呢个年龄，最紧要系仔女同儿孙，佢哋前途梗系重要过我，再过10年8年我都冇喇，对佢哋嚟讲就啱啱开始。若果要生活喺共产党统治下，点做人呀？咁嘅环境日日要讲大话、日日要受气，点会有前途？」即使可以移民，袁弓夷指也是做二等公民，「我哋初初上海过嚟，开头都好辛苦，去到边度都俾人歧视，要喺一个地方累积落去先会成功，我唔想下一代移民，想佢哋可以喺健康环境下成长，将来一代好过一代。我仲有10年工作能力，我想好好利用呢段时间帮助年轻人，制造一个好嘅环境畀佢哋成长，呢啲系我嘅责任，咁快退休，就好快死。好多后生要搵食，未必有时间拎出嚟，我攞得出呢啲时间，又有人生经验。」
袁弓夷并不担心「港版国安法」会秋后算账，立场坚定的他说：「我惊就唔会行出嚟，中国14亿人口点解冇改良？咪因为个个都惊，冇人敢行出嚟！咁咪世世代代都系咁，咁咪（做）奴隶啰！你想做奴隶定自由人？就系咁简单。大家要对恶法出声反对，睇住年轻人被滥暴，大人反而匿埋？有冇搞错！咁点做大人呀？有钱佬怕荷包大缩水，到底佢哋系咪觉得钱紧要过正义？定钱重要过自由？我锁住你，就算畀好多钱你都冇用，自由定名誉重要？自由先系无价。」袁弓夷不屑一国一制，「而家个个都话移民，难听啲移民咪系难民。香港系我哋个家，（大陆）而家踩入嚟，要赶我哋走，留岛不留人，佢哋凭乜嘢呀？香港系属于香港人，上海系属于上海人，点解大陆走过嚟，话香港系你嘅，咁即系抢。」
来源：苹果日报
没有评论:
发表评论