袁弓夷是袁弥明、袁弥昌之父，不但经历过三段婚姻，名字也有三个。本名袁肃，记者乍听还道是东京潮区原宿，其实出自《三国演义》，话说东吴将领鲁肃木讷易骗，「鲁肃戆居居，成日俾诸葛亮搵笨，我老母觉得我好戆居，好鬼老实，同我改个咁嘅名。」肃字笔划多，妈妈后改弓夷，「搵弓箭射啲夷族，shoot the barbarian!」
袁弓夷是袁弥明、袁弥昌之父，不但经历过三段婚姻，名字也有三个。本名袁肃，记者乍听还道是东京潮区原宿，其实出自《三国演义》，话说东吴将领鲁肃木讷易骗，「鲁肃戆居居，成日俾诸葛亮搵笨，我老母觉得我好戆居，好鬼老实，同我改个咁嘅名。」肃字笔划多，妈妈后改弓夷，「搵弓箭射啲夷族，shoot the barbarian!」
昔日中国人指日本为东夷，「我老母话我听有两次最开心，一次日本仔投降，一次打倒四人帮。」开弓没有回头箭，近来对准北夷，拍片发声，「第三次就系共产党冧！」上一代名字真多，他还有个族名，「袁弥昌佢哋系弥字辈，我系世字辈，袁世凯个世，我叫袁世宏。」袁世凯推翻满清，袁世宏灭谁？
袁弓夷50年没写作，今次写公开信给特朗普等人如有神助，「好似有少少上天力量，我唔系好迷信，但我有感觉。」
袁弓夷突然火红，72岁成为年纪最大的KOL，早在港版国安法出台之前他已拍片，预言美国必往中共身上招呼，近来更呼吁香港人参与其中，公投决定自己命运，他在今次访问解释：「点解我提议公投？实在冇人代表我哋，立法会班友（包括媳妇容海恩）唔准倾呢啲；人大政协去北京开会，边个代表我哋，你投票选?？我哋俾人deprived of the right，我有责任提议香港人我哋应该攞番个权，共产党就话你港独、分裂国家，X佢乜都有得讲啦！」
公投必须外国监察，只怕要加上勾结外国势力罪名，袁爸爸翻旧账：「正式勾结外国势力系中共，毛泽东喺江西时唔叫中国，叫苏维埃，佢系大苏联嘅一部份。」这里说的是中华苏维埃共和国临时政府，另外抗日战争也因外国势力而胜，「如果唔系两粒原子弹飞过去，我哋今日讲紧日文，向天皇敬礼呀！唔系讲笑，如果英国唔同美国同盟，佢讲紧德文呀！苏联都讲紧德文，当日苏联都系同盟国，Heil Hitler呀！」
他是典型企业家勇往直前，从不左思右想，「又怕痛又话西装皱咗，点搞？嗰班律师真系咁。」这里说的是公民党，想不到他抨击泛民，「好多时因为佢哋怕痛所以搞到今日咁弯，如果佢哋早啲顶住，唔会搞到今日咁弯， 家冇得救。」特朗普则归咎前几任总统养虎为患，袁弓夷说：「奥巴马系衰人嘛，攞咗Nobel Prize（诺贝尔和平奖）之后成日明哲保身，呢条友乜都唔做，共产党应承佢嘅嘢唔做佢又唔理，即系我突然畀个贞节牌坊你，你都唔敢出去滚啦！」
万恶钱为首
据他所知港版国安法志在掠水，这里要从2017年说起， 大陆富商肖建华被人从香港四季酒店带走，押返 大陆，导致去年《逃犯条例》修订风波，「佢整个送中重复肖建华（事件），但合法地带佢返去，然后分晒佢海外啲钱，呢个系送中主要目的，真系为咗钱。」今次国安法延续去年未完的梦，目标同是官、红二代在港约二万亿元资产，两次港官都声称只针对一小撮人，一般市民不用担心。
清算官、红二代之后，轮到本地富豪上场，「我话你听，有钱佬实际至大镬！」袁爸爸说：「我怀疑你，我调查你，条友惊到濑尿，乜都畀晒佢啦，大佬我要自由！国安法完全有权做呢样嘢，香港咁鬼多阔佬，我派咁多公安嚟，呢次系发财机会喇！你担保呢样嘢唔会发生？将来呢样嘢至系主题！」
袁弓夷父亲袁勃是本港照相业大王。
富豪头上一把刀
以后 大陆执法人员公然来港， 大陆术语称为刀把子，「有咗呢班友，到佢哋捞嘢，你冇罪最好，冇罪有钱就得。反而拉嗰班细路唔系主题，佢仲以为咁样做咗美国会多谢佢，社会安定大家齐齐赚钱啰。」袁弓夷在北京、华盛顿广交朋友，消息灵通，有一件事可以窥见北京做甚么都为了钱，「我讲件真事你听，佢哋（京官）话香港发生咁多嘢，到底 仔要乜嘢？我话自由、民主、法治，佢话呢啲系虚嘅，因为佢哋从来未尝试过。」
搞清楚习大大真正目标是谁，因此无惧发声？「我哋香港人took him too seriously，佢嘅政绩未成功做过一件事，冇一件事佢唔烂尾，你得闲搵一件畀我。」袁爸爸强调从没考虑自身安全，问题是如何消弭港人之忧？「我话你听，我冇责任令佢哋唔担心，我嘅责任唔系pacifier，你唔想BB仔喊就畀个奶嘴佢，就系pacifier，我唔系畀个奶嘴你等你唔喊，呢个唔系我责任，我嘅责任系要解除病毒，叫做共产病毒，否则我家人、后代、我哋中国人冇前途。」
记者追问，假如港版国安法针对官、红二代，香港平民百姓不用担心？「你唔逼我讲我都讲，我唔钟意讲大话，实际我唔信佢有咁嘅威力、持久力可以撑落去。」访问至此才说穿，他不担心立法，却向美国高声求救，还望特朗普大功告成，大家不妨学习袁氏心法，「所以我同你讲，以我判断（国安法）唔掂，佢撑唔落去，但如果我系美国人我当睇唔到，当你呢个系真，我横掂都要打你，搵到咁好机会我仲唔扑X你？我几大唔信都要信，我扮信啦！」
曾结婚三次的袁弓夷，袁弥望（大女）、袁弥昌、袁弥明是同母所生。
爱国是一场戏
袁弓夷是浙江宁波人，1953年父亲袁勃来港，后来成为照相业大王，妈妈在 大陆传教，1956年被判劳改，两个妹下乡，翌年轮到他本人逃亡香港，记者问他对中共有过希望吗？「我系香港第一个入去开工厂，改革开放，邓小平未出嚟我就入去，我入到去觉得好奇怪，分唔出边个好人边个坏人。」他答道：「我可以咁讲，从来对佢冇希望。」不说中共，对国家有感情？「对国家讲感情根本系多余，国家系衰人你都对佢有感情？希特拉捧住德国专做坏事，你爱德国？（二战）日本又系，你爱日本？」
他认为国家宪章代表人民的协议、原则，才是人民所爱，「乜嘢爱国、民族精神，X嗰啲全部呃人！」问题来了，袁弓夷、早前逝世的李鹏飞、唐英年早逝之父唐翔千当年都是第一批北上设厂的港商，袁更将广州工厂送给国家，如非爱国还有何因？「送咗厂之后，畀我一个好嘅道理救我老母、两个妹出嚟，因为我系爱国商人，所以佢放我两个妹、我老母。唔系因为我爱国，亦唔等于我爱国，根本全部都系做戏！乜嘢爱国呀，X你真系唔好信呢啲啦，爱国两个字都唔能够信。」
袁氏生意无数，旗下Tele-Art Inc是首家在纳斯达克上市的全港资电子企业，他在 大陆20年却蚀了几千万元，分毫未赚过，发现大陆人不想赚钱，只想骗财。今次发声前断绝国内所有生意，明言不会再对这个政权作出任何贡献，「冇可能又要赚佢哋钱又闹佢哋，因为生意人对钱都有感觉，既然你讲嘢要够胆讲、直讲、冇保留冇拘束咁讲，你点可以同时赚紧钱？我冇咁叻。」
据他说港商北上一定滚红滚绿，被拍下床上英姿，一旦阿爷吹鸡埋位往往身不由己，「我真系唔多，啲友去东莞我唔钟意去。」唯独他是例外，因此潇洒得起，「冇滚过就呃你嘅，我好早出道，21岁出嚟做生意，好早掂过呢啲嘢，冇乜刺激。」十个男人九个去滚，一个谂紧，难得袁爸爸直认，「梗系啦，男人唔滚边系男人呀，有冇讲错？」
来源：苹果日报
没有评论:
发表评论